日子過得快,係因為我想佢快d過。 即係按下fast forward般,飛飛飛飛飛,等到有值得睇既一幕先play。等下等下,飛左好多都未有值得play既畫面。 查實好易飛到尾,然後發覺成齣戲都係爛片。 　　就係咁樣,呢種生活不斷消耗我生命。我直情可以感受到果d真正屬於我既野、真正值得保留既野,好似倒水咁快唔見晒。　會發覺自己越黎越少寫blog, 越黎越少睇需要消化既書 ,甚至越黎越少真正聽音樂。因為你就快變成一件喪屍。 　　香港係一個唔容計人身自由既地方,做野要跟一套方式;說話又有一套方式;連你要點做人,人地都要管。 頂 , 關你叉蛋治？ 配合 還是 抗衡? 調整 還是 堅持? 你正常 還是 我獨特? A與B 之間 , 點揀？ 最抵死係冇絕對正確既答案,揀A又死揀B又死。 即係橫死掂死,你想早死定遲死既姐。
Less