失望一:浣熊 我係由最大雨最大風嘅時候入會場嘅。 所以成身由頭到踋濕到渾。 所倖演唱會一開始就細雨翻。 失望二:國語歌 太多國語歌喇。 好多歌明明有廣東話版唔唱唱國語。 點解《不如不見》唔唱要唱《好久不見》 點解《白玫瑰》唔唱要唱《紅玫瑰》 點解《明年今日》唱之前都要唱《十年》 搞到後面啲人喺度大嗌"廣州話廣州話廣州話"。 國語一彈出嚟就"噓"聲一片。 失望三:太靜 我講嘅太靜隻係指我所見到嘅我周圍嗰扎人。 點解完全唔郁架。 連叫都懶得叫。 前面同看臺嘅人都好熱情架。 點解我嗰度就係唔夠high。 太令我冇癮喇。 完全係睇默劇咁。 不如唔好嘥咗張￥480佢啦。 失望四:冇安歌 竟然冇encore。 我都唔想講喇。 失望五:太少快歌 太少喇太少喇。 呢個真係令我最失望噶。 我寧願佢cancle曬啲抒情歌嚟換節奏歌。 精彩一:浮誇 全晚最精彩嘅就係《浮誇》 個台。燈光。服飾。氣氛。 係全晚最最最正嘅。 相信《浮誇》係最多人想聽eason唱live嘅歌。 精彩二:人浪 看臺有人玩人浪。 我哋坐場地雖然冇得玩。 但胜在有得睇。 精彩三:婚禮的祝福、我不好愛 第一次聽eason嘅歌聽到喊就係《婚禮的祝福》 《我不好愛》係我嘅寫照。 "我又憤怒又脆弱固秇不會改 怕被冷落卻不肯接待" 精彩四:舞蹈 《第五個現代化》之前嗰part印度+hip hop舞好正。 正到暈低咗。 after all, 其實今晚仲係好開心好開心。 雖然落住雨。 雖然打住風。 不過一啲都冇削减到我包括全場歌迷嘅熱情。 再雖然有好多失望。 但相信eason已經盡力。 演唱會還是成功的。 我要將開心嘅情緒延續落去～
Less