尋晚，真係太夜瞓了！ 忙完呢樣，忙嗰樣……真係煩！ 最衰都係自己衰多手，見到啲嘢唔順眼，係都要整靚啲先肯收手…… 當我真係要收手嗰陣，原來已經快5點了! 之後，原定7點起身，遲咗45分鐘…… 冇計了。叫歐小治極速咁嚟我屋企，接埋我一齊去繙工…… 咁就可以慳繙啲時間，唔駛嘥曬啲時間喺巴士度…… 由於尋晚咁夜先瞓，諗起今日公司都頗為多嘢做…… 避免我喺開工時候釣魚，我同小治講：【i need coffee……】 so……我哋就去搵Uncle Mac了。 原本我哋真係諗住買兩杯coffee咁簡單咖咋…… 點知……………………歐小治話冇早餐食！ 【其實我準備咗糯米雞同麻蓉包俾歐小治食咖……】 但小治話，一場嚟到，想食繙豬柳蛋堡。 所以，我啲糯米雞同麻蓉包，唯有留繙三點三嗰陣先了…… 買咗兩杯coffee同埋只豬柳蛋堡套餐后，忽然見到“你好雞啼” 見到咁可愛……平時對“雞啼”冇乜好感嘅都忍唔住買咗張…… 其實，係另有目的嘅…… 買咗張卡之後，就可以兌換只pie…… 我見到新出咗嘅"Mango Pie"【我覺得係新出……】，就用“雞啼”去換Mango…… 其實，講真，只不過係6蚊一只Pie，之後送只“雞啼”咁囖……我覺得…… 只Pie……冇我想像中咁好食……有小小失望嘅feel…… 講真，自從繙咗GLV之後，我多數幫襯嘅，都係Uncle K。 Uncle Mac……真係甚少幫襯…… 咁難得有次機會俾我幫襯繙Uncle Mac……真係好興奮…… 唔知係杯coffee作用定係我再次見繙Uncle Mac，今日嘅狀態都唔錯…… 我幾時都話：Uncle Mac is better than Uncle K…… 我決定，離開Mr Brown，投向Uncle Mac懷抱…… 我要日日飲Mc cafe……！！！
Less