自從，星期一【？應該係了。】同貝娘喪行拱北之後， 今日，我哋轉戰香洲。本次嘅目標就係吉之島嗰頭！ 原來貝娘仲記得“我想買多幾對涼鞋著”呢句說話。 今日一收工，打俾貝娘，貝娘就同我講喺邊度邊度見到對鞋仔！ 叫我哋去嗰度搵佢。 去到，試完對鞋仔。幾好咯！唔差咖！ 之後即刻卜鎚。對鞋仔咁就成為我嘅囊中之物了！ 之後去到賦龍醫肚！【好開心終於都有得食，我由4點餓到7點。】 點菜嗰陣，貝娘話要點個“點心拼盤”。我好好奇咁問咗句：“有乜點心咖？” “榴槤酥之類嘅點心囖！” 聽到我口水都流埋。【大佬，嗰陣真係好Q餓呀！榴槤，好吸引嘅一個名字！】 嗰陣幾恨即刻同我上呢個點心拼盤呀。 點知，隔咗陣，個waitress行過嚟同我哋講：“唔好意思呀。榴槤酥冇曬呀！” 可想而知我有幾失望。貝娘見到我咁失望，就同個waitress講：“算了！取消了。嗌三個白飯啦！” 之後對我講：“唔怕啦，行去吉之島買繙只榴槤俾你好過啦！” 諗諗下，都好！之後，我哋就繼續拆！ 跟住落嚟，其實主要係幫貝治買shirt衫！點知，後尾收穫最多嘅居然係我！ 冇辦法，貝娘太過鍾意幫我買衫！ 因為我哋買咗好多衫，已經夠曬積分。所以，我哋就用積分換咗一舊嘢！ 行繙落吉之島2樓。我哋終於都醒起要買榴槤，但見到啲榴槤……簡直食唔落。 但貝娘唔想我失望，狂問我究竟買唔買“買一送一”嗰啲散裝榴槤。 我同貝治一齊搖頭！大佬！貝娘去揀榴槤嗰陣，我睇住啲人係咁督啲散裝榴槤！ 頂！！！督到出曬水！點yak得落口？ 不過，俾我發現咗kiwii生！好可愛！而我哋都做咗好朋友！ 後尾，好攰囖！一直行到吉之島關門！ 繙到屋企，我嘅地盤俾我妹霸佔咗！5555~今晚要 同妹妹孖鋪！ 希望今晚佢唔好踢我落床！ 而家嘅時間係：2009年6月25號。 Lu，生日快樂！ 我哋，33個月快樂！
Less